دہشت گردوں سے روابط کے کیس میں تحریک انصاف کے دو مرکزی رہنماؤں روف حسن اور احمد وقاص جنجوعہ پر فرد جرم عائد کردی گئی، جبکہ ملزمان نے صحتِ جرم سے انکار کردیا ہے ۔
اسلام آباد کی انسدادِ دہشت گردی عدالت میں پی ٹی آئی رہنما رؤف حسن اور احمد وقاص جنجوعہ کے خلاف دہشت گردوں سے روابط کے کیس کی سماعت ہوئی ۔
سماعت انسدادِ دہشت گردی عدالت کے جج طاہر عباس سپرا نے کی، اس موقع پر رؤف حسن اور احمد وقاص جنجوعہ پر فرد جرم عائد کردی گئی جبکہ ملزمان نے صحتِ جرم سے انکار کردیا ہے ۔
عدالت میں رؤف حسن اور عائشہ خالد ایڈووکیٹ عدالت میں پیش ہوئے جہاں عدالت نے کیس کی اگلی سماعت پر استغاثہ کے گواہان کو طلب کرلیا ہے، بعد ازاں کیس کی مزید سماعت 23 فروری تک ملتوی کردی گئی ۔
