لاہور: پنجاب میں مون سون بارشوں کے باعث جاں بحق ہونے والے شہریوں کی تعداد 21 ہو گئی۔
پنجاب ڈیزاسٹر مینجمنٹ اتھارٹی (پی ڈی ایم اے) نے صوبے میں مون سون بارشوں سے ہونے والے نقصانات کی رپورٹ جاری کردی ہے۔
رپورٹ کے مطابق رواں سال مون سون بارشوں سے اب تک 21 شہری جاں بحق اور 154 زخمی ہوئے۔
ترجمان پی ڈی ایم اے کےمطابق رواں سال مون سون بارشوں میں عمارتیں گرنےسے 15 افراد ،کرنٹ لگنےسے 3 اور آسمانی بجلی گرنے سے 2 افراد جاں بحق ہوئے ہیں۔
پی ڈی ایم اے کا کہنا ہے کہ پانی میں ڈوبنے سے ایک شخص جاں بحق ہوا ہے جب کہ بارشوں سے 38 مکانات جزوی طور پر متاثر ہوئے ہیں۔
ترجمان نے شہریوں سے اپیل کی ہے کہ موسم برسات میں احتیاطی تدابیر اختیار کریں اور خستہ حال مکانات میں رہائش نہ رکھیں۔
