کراچی: صدرآصف علی زرداری سے بلوچستان کے صوبائی وزراء نے کراچی میں ملاقات کی۔
ملاقات میں صوبے میں امن و امان، ترقیاتی منصوبوں اور مجموعی صورتحال پر تبادلہ خیال کیا۔
صدرِمملکت نےبلوچستان میں ترقی کا عمل مزید تیز کرنے کی ضرورت پر زور دیتے ہوئے کہا کہ عوام کو بنیادی سہولتوں کی فراہمی اور خوشحالی حکومت کی اولین ترجیحات میں شامل ہے۔
انہوں نے بلوچستان میں جاری ترقیاتی منصوبوں پر پیش رفت تیز کرنے کی ہدایت کرتے ہوئے کہا کہ صوبے کی ترقی، امن و امان کی بہتری، عوامی فلاح اور معاشی سرگرمیوں کے فروغ کے لیے تمام متعلقہ ادارے مربوط انداز میں کام کریں۔
