پی ایس ایل 11 کے افتتاحی میچ میں لاہور قلندرز نے کامیابی حاصل کرکے حیدرآباد کنگز مین کو 69 رنز سے شکست دیدی، قلندرز کے 200 رنز ہدف کے تعاقب میں حیدر آباد کنگز میں 130 رنز پر ہمت ہار گئی ۔
لاہور کے قذافی سٹیڈیم میں کھیلے گئے پاکستان سُپر لیگ کے پہلے میچ میں لاہور قلندرز نے ٹاس جیت کر حیدرآبادکنگز مین کے خلاف بیٹنگ کا فیصلہ کیا ۔
لاہور قلندرز نے پہلےکھیلتے ہوئے مقررہ 20 اوورز میں 6 وکٹ پر 199 رنز بنائے، فخر زمان نے 53 ،حسیب اللہ خان 40 اور محمد نعیم نے 30 رنز بنائے ۔
200 رنز کے ہدف کے جواب میں حیدرآباد کنگز مین کی ٹیم آخری گیند پر 130 رنز بناکر آؤٹ ہوگئی، حیدرآباد کنگز مین کےکپتان مارنوس لیبوشین 26 رنز بنا کر نمایاں رہے۔ ریلی میریدیتھ نے 19 اور حسن خان نے 14 رنز بنائے ۔
قلندرز کی جانب سے حارث رؤف ، سکندر رضا اور عبید شاہ نے دو، دو کھلاڑیوں کو آؤٹ کیا، شاندار نصف سنچری سکور کرنے پر فخر زمان میچ کے بہترین کھلاڑی کا ایوارڈ لے اڑے ۔
