پاکستان سُپر لیگ الیون میں حیدرآباد کنگزمین نے ایونٹ میں مسلسل دوسری کامیابی حاصل کرتے ہوئے اسلام آباد یونائیٹڈ کو 6 وکٹوں سے ہرادیا، 154 رنز کا ہدف حیدر آباد نے 4 وکٹوں کے نقصان پر پورا کیا ۔
کراچی سٹیڈیم میں کھیلے گئے پی ایس ایل الیون کے 20 ویں میچ میں حیدرآباد نے ٹاس جیت کر اسلام آباد کو بیٹنگ کی دعوت دی، یونائٹڈ نے پہلے بیٹنگ کرتے ہوئے 9 وکٹ کے نقصان پر 153 رنز بنائے ۔
اسلام آباد کی جانب سے ڈیون کونوے نے 45 رنز بنائے، مارک چیپمین 42، سمیر منہاس 22 اور محمد فائق 18 رنز بناکر نمایاں بیٹر رہے ۔
حیدرآباد کنگز مین کے آصف محمود نے دو اوورز میں صرف 18 رنز کے عوض 4 وکٹیں حاصل کیں، فاسٹ بولر محمدعلی نے 2 کھلاڑیوں کو آؤٹ کیا، جواب میں حیدرآبادکنگزمین کے بیٹرز نے عمدہ کھیل پیش کیا اور مطلوبہ ہدف 19ویں اوور میں 4 وکٹ کے نقصان پر حاصل کرلیا ۔
کنگز مین کے کپتان مارنوس لیبوشین نے 61 رنز کی ناقابل شکست اور ذمہ دارانہ اننگز کھیلی، صائم ایوب 35، اوپنر معاذ صداقت 30 جبکہ گلین میکسویل 21 رنز پر ناٹ آؤٹ رہے ۔
اسلام آباد یونائیٹڈ کے کرس گرین اور فہیم اشرف نے دو ، دو کھلاڑیوں کو آؤٹ کیا، شاندار بیٹنگ پر حیدر آباد کے کپتان مارنوس لبوشین میچ کے بہترین کھلاڑی قرار پائے ۔
