ایبٹ آباد شہر میں سی این جی سٹیشنز کی بندش کے باعث شہریوں کو شدید مشکلات کا سامنا کرنا پڑ رہا ہے ۔
ایبٹ آباد:تفصیلات کے مطابق سی این جی مالکان کی جانب سے اعلان کیا گیا تھا کہ رات 9 بجے سے 1 بجے تک گیس کی فراہمی جاری رہے گی، تاہم مقررہ وقت پر جب شہری اپنی گاڑیاں لے کر سٹیشنز پہنچے تو بیشتر مقامات پر سی این جی سٹیشنز بند پائے گئے ۔
اس صورتحال پر عوام میں شدید غم و غصہ پایا جا رہا ہے،شہریوں کا کہنا ہے کہ بار بار ایسے اعلانات کے باوجود عمل درآمد نہ ہونا انتہائی افسوسناک ہے، جس سے نہ صرف ان کا قیمتی وقت ضائع ہوتا ہے بلکہ انہیں ذہنی اذیت اور مشکلات کا بھی سامنا کرنا پڑتا ہے ۔
متاثرہ شہریوں نے متعلقہ حکام سے فوری نوٹس لینے کا مطالبہ کرتے ہوئے کہا ہے کہ سی این جی اسٹیشنز کے اوقات کار کو یقینی بنایا جائے اور خلاف ورزی کرنے والوں کے خلاف سخت کارروائی کی جائے تاکہ عوام کو مزید پریشانی سے بچایا جا سکے ۔
