ٹیلی ویژن اور اسٹیج کے معروف گلوکار عتیق شہزاد جو کہ اپنی شاندار آواز کے لئے مشہور تھے انتقال کرگئے۔
عتیق شہزاد کی شاندار آواز نے ان کو اسٹیج کی دنیا میں ایک عظیم فنکار بنایا اور انکی موسیقی نے لوگوں کے دلوں میں جگہ بنائی ہے۔ ان کے انتقال سے پاکستانی آرٹ انڈسڑی نے ایک باصلاحیت فنکار کو کھویا ہے۔
واضح رہے کہ عتیق شہزاد کی نمازِ جنازہ آج عصر کی نماز کے بعد مسجد عثمانیہ بلاک M نارتھ ناظم آباد میں ادا کی جائیگی۔گلوکار عتیق شہزاد کی تدفین میوہ شاہ قبرستان میں ہوگی۔ یاد رہے کہ عتیق شہزاد کا شمار اسٹیج کے سینئر گلوکاروں میں کیا جاتا ہے۔
