تحصیل حضرو میں جائیداد کے تنازعہ پر سگی بہن کو مبینہ طور پر موت کے گھاٹ اتارنے والا سفاک قاتل گرفتار کر لیا گیا۔ یہ اندوہناک واقعہ تھانہ اٹک خورد کی حدود میں پیش آیا۔
جائیداد کے تنازعے پر بھائی نے سگی بہن کو مبینہ طور پر قتل کردیا اور خود موقع سے فرار ہونے میں کامیاب ہوگیا۔ اطلاع ملتے ہی پولیس ٹیم موقع پر پہنچی تو خاتون کی لعش خون میں لت پت پڑی تھی جس کے منہ سر اور گردن پر تشدد کے گہرے نشانات تھے لعش کی شناخت زوجہ عبدالقیوم کے نام سے ہوئی سے ہوئی جو فورملی گاؤں کی رہائشی تھی۔
اسی گاؤں کے مراد شاہ نامی شخص نے پولیس کو بیان دیا کہ جائے وقوعہ پر مقتولہ کے بھائی گلبر کو دیکھا تھا قوی شبہ ہے کہ یہ اس قتل میں ملوث ہے تھانہ اٹک خورد پولیس نے فوری طور پرقتل کا مقدمہ درج کرتےہوئے مقتولہ کے بھائی مبینہ قاتل گلبر کو گرفتار کرلیا جس سے مزید تفتیش جاری ہے۔
