بنکاک: وفاقی وزیرِ خزانہ و محصولات، سینیٹر محمد اورنگزیب نے تھائی لینڈ کے شہر بنکاک میں ورلڈ بینک گروپ اور آئی ایم ایف کے سالانہ اجلاسوں میں شرکت کی۔
وزیرِ خزانہ نے اس موقع پر انٹرنیشنل فنانس کارپوریشن (IFC) کے مشرقِ وسطیٰ اور وسطی ایشیا کے لیے علاقائی نائب صدر عماد فخوری سے ملاقات کی۔
ملاقات میں نجی شعبے کی قیادت میں معاشی ترقی اور روزگار کے مواقع کے فروغ کے لیے کوششوں پر زور دیا گیا۔
ملاقات میں آئی ایف سی کے تعاون کو مزید مضبوط بنانے اور معاشی استحکام کو پائیدار ترقی میں تبدیل کرنے پر توجہ مرکوز کی گئی۔
آئی ایف سی کے بڑھتے ہوئے منصوبوں، چھوٹے کاروباروں کے لیے مالی معاونت، کاروباری سرگرمیوں کے فروغ، سرمایہ منڈیوں اور گرین و ڈیجیٹل بانڈز کا جائزہ لیا گیا۔
وزیرِ خزانہ نے ریکوڈک منصوبے کے لیے پاکستان کے عزم کا اعادہ کیا۔
وفاقی وزیر نے اس منصوبے کی مالی معاونت میں آئی ایف سی کے قائدانہ کردار کو سراہا۔
دونوں جانب سے لائیو اسٹاک کے شعبے میں نجی شعبے کی شمولیت بڑھانے کا جائزہ لی اگیا۔
ساتھ ہی ضابطہ جاتی معیار بہتر بنا کر سرمایہ کاری اور ادویات کی برآمدات کو فروغ دینے کے امکانات کا جائزہ لیا گیا۔
انفراسٹرکچر میں تعاون کے تحت پانی کے شعبے میں سرکاری و نجی شراکت داری، بجلی کی جدید میٹرنگ اور صوبائی منصوبوں کے لیے مالی معاونت کے مختلف طریقہ کار پر تبادلہ خیال کیا گیا۔
