نیویارک: وفاقی وزیر داخلہ محسن نقوی کی بنگلہ دیشی ہم منصب صلاح الدین احمد سے ملاقات ہوئی.
ملاقات میں دوطرفہ تعاون، سکیورٹی امور اور باہمی دلچسپی کے معاملات پر تبادلہ خیال کیا گیا۔
ملاقات میں پولیس افسران کی تربیت، ایکسچینج پروگرامز اور سائبر کرائمز و آن لائن فراڈ کی روک تھام کے لیے تعاون بڑھانے پر اتفاق کیا گیا۔
دونوں وزرائے داخلہ نے ایران امریکہ تنازعہ اور مشرق وسطیٰ کی موجودہ صورتحال پر بھی گفتگو کی۔
بنگلہ دیشی وزیر داخلہ نے قیام امن کے لیے پاکستان کے کردار کو سراہا۔
ملاقات میں پاکستانی وزیر داخلہ محسن نقوی نے کہا کہ دونوں ممالک کو باہمی روابط مزید مضبوط بنانے کے نئے مواقع سے فائدہ اٹھانا چاہیے۔
