اسلام آباد: اقلیتوں کے قومی دن کے موقع پر وفاقی وزیر انسانی حقوق سینیٹر اعظم نذیر تارڑ کا خصوصی بیان.
وفاقی وزیر نے کہا ہے کہ حکومت قومی کمیشن برائے اقلیتیں جلد فعال کرنے جا رہی ہے۔
وزیراعظم شہباز شریف کی قیادت میں اس معاملے پر اہم پیش رفت ہوئی ہے۔
قومی کمیشن برائے اقلیتیں جلد باقاعدہ نوٹیفائی کیا جائے گا۔
اپنے پیغام میں وفاقی وزیر نے کہا کہ کمیشن اقلیتوں کے حقوق اور مفادات کے فروغ میں اہم کردار ادا کرے گا۔
اقلیتوں کی ثقافتی قومی ترقی میں خدمات باعثِ فخر اور ناقابلِ فراموش ہیں۔
سینیٹر اعظم نذیر تارڑ نے کہا کہ تمام پاکستانیوں کو بلاامتیاز مذہب ،مساوی حقوق حاصل ہیں.
ہر شہری عزت، انصاف اور مساوی شہریت کا حق رکھتا ہے۔
انہوں نے کہا کہ قائداعظم کا تصورِ پاکستان تمام برادریوں کے حقوق کے تحفظ کی رہنمائی کرتا ہے.
اسلام کی تعلیمات اور آئینی ضمانتیں شہریوں کے حقوق کے تحفظ کی بنیاد ہیں۔
وفاقی وزیر نے کہا کہ مذہبی آزادی، رواداری اور بین المذاہب احترام کا فروغ حکومت کی ترجیح ہے۔
قومی یومِ اقلیت مساوات، عزت اور انصاف کے عزم کی تجدید کا موقع ہے۔
