اسلام آباد: ایم او آئی ٹی ٹی اور میٹا نے پاکستان کے چھوٹے و درمیانے درجے کے کاروباری اداروں کی ڈیجیٹل تبدیلی کو تیز کرنے کے لیے ‘سمال بزنس گروتھ اکیڈمی’ کا آغاز کر دیا۔
وزارت برائے آئی ٹی و ٹیلی کمیونیکیشن نے میٹا کے تعاون سے پاکستان میں "سمال بزنس گروتھ اکیڈمی” کا آغاز کیا ہے۔
یہ ایک سنگِ میل اقدام ہے جس کا مقصد چھوٹے اور درمیانے درجے کے کاروباری اداروں کی ڈیجیٹل تبدیلی کو تیز کرنا ہے۔
علاوہ ازیں اس اقدام کا مقصد صنعت کاروں کو ترقی، جدت، اور ملکی و بین الاقوامی منڈیوں تک رسائی کے لیے ڈیجیٹل اور اے آئی پر مبنی ٹیکنالوجیز سے فائدہ اٹھانے کے قابل بنانا ہے۔
یہ اقدام حکومت کے اس وژن کے عین مطابق ہے جس کے تحت ایک ایسی شمولیت پر مبنی اور ڈیجیٹل طور پر بااختیار معیشت تشکیل دینی ہے۔
سمال بزنس گروتھ اکیڈمی، میٹا کے ڈیجیٹل پلیٹ فارمز اور اے آئی ٹولز کے عملی اور مارکیٹ کے تقاضوں کے مطابق تربیت فراہم کرے گی۔
یہ پروگرام میٹا کے تعاون سے فراہم کیا جائے گا، جسے اٹم کیمپ نافذ کرے گا۔
اسے اگنائٹ نیشنل ٹیکنالوجی فنڈ، پاکستان سافٹ ویئر ہاؤسز ایسوسی ایشن، پاکستان سافٹ ویئر ایکسپورٹ بورڈ، سمال اینڈ میڈیم انٹرپرائزز ڈیولپمنٹ اتھارٹی ، اور ڈائل زیرو کی معاونت حاصل ہو گی۔
