لاہور: وزیراعلیٰ پنجاب مریم نواز شریف سے سپین کے سفیر کارلوس ارگون گل ڈی لا سرنا نے ملاقات کی۔
وزیراعلیٰ نے سپین کے سفیر کا پرتپاک خیرمقدم کیا اور ان کی سفارتی خدمات کو سراہا۔
وزیراعلیٰ مریم نواز شریف نے فٹ بال ورلڈ کپ میں سپین کی فتح پر سپین کے سفیر کو مبارکباد دی۔
ملاقات میں سپین اور پنجاب کے درمیان کاروباری اور تجارتی مواقع کا جائزہ لیا گیا۔
اس موقع پر سپین سے تجارتی اور کاروباری روابط کے فروغ کے لیے پنجاب سپین بزنس کونسل کے قیام کی تجویز پر غور کیا گیا۔
ملاقات میں فارسٹ میں آتشزدگی، فضائی آلودگی اور ہیٹ ویوز کے چیلنجز سے نمٹنے کے لیے مشترکہ ورکنگ گروپ بنانے کی تجویز بھی پیش کی گئی۔
اس کے علاوہ لاہور اور بارسلونا کو سسٹر سٹی قرار دینے کے امکانات کا جائزہ لیا گیا.
سپین اور پنجاب کے درمیان ثقافت اور فنون لطیفہ کے شعبوں میں تعاون پر بھی غور کیا گیا۔
لا لیگا سپین کے تعاون سے لاہور میں کوچز اور فٹ بالرز کے لیے پائلٹ فٹ بال اکیڈمی کے قیام پر بھی تبادلہ خیال کیا گیا۔
وزیراعلیٰ مریم نواز شریف نے سپین کے سفیر اور کاروباری وفود کو سیالکوٹ اور لاہور کے دورے کی دعوت دی۔
