خیبرپختونخوا حکومت کامستحقین کےلیے خصوصی عید پیکج کا اعلان کر دیا گیا ہے
خیبر پختونخوا کابینہ نے صوبے کے مستحق افراد کو عید پیکج دینے کی منظوری دیدی ہے۔اعلامیہ کے مطابق صوبائی کابینہ کا دوسرا اجلاس وزیر اعلیٰ خیبر پختونخوا علی امین گنڈاپور کی زیر صدارت ہوا،جس میں صوبے کے مستحق افراد کو عید پیکج دینے کی منظوری دے دی گئی ہے۔مشیر خزانہ خیبر پختونخوا مزمل اسلم کے مطابق وزیراعلی خیبر پختونخوا علی امین گنڈاپور کے سربراہی میں ساڑھے 8 ارب روپے کے رمضان پیکج کا اعلان کر چکے ہیں۔5لاکھ خاندان براہ راست رمضان پیکیج سے مستفید ہو چکے ہیں۔
مزمل اسلم نے بتایا کہ ایسے مستحق افراد جو احساس پروگرام میں رجسٹرڈ نہیں تھے۔وزیراعلیٰ خیبر پختونخوا علی امین گنڈاپور نے ان کے لئے عید پیکج کا اعلان کیا ہے۔ پیکج کے تحت صوبائی اسمبلی کے ہر حلقے میں ایک ہزار مستحق افراد کو 10، 10 ہزار روپے دئے جائیں گے۔1.15 ارب روپے اس پیکج پر لاگت آئے گی۔دوسری طرف وزیراعلی خیبر پختونخوا نے پولیس شہداء کے 2050 خاندانوں کیلئے بھی 10ہزار روپے عید پیکج کا اعلان کیا ہے۔
