جنت مرزا کی طرف سے انسٹااسٹوری میں شیئر کی گئی فہرست میں سب سے پہلے ڈھولکی کا مختصر فنکشن رکھا گیا ہے اور اس کے بعد گرینڈ ڈھولکی فنکشن کو جگہ دی گئی ہے۔ فہرست میں شادی سے قبل میلاد کرانے کا بھی کہا گیا ہے ۔ میلاد کے کچھ روز بعد قوالی نائٹ ہوگی اور پھر بالی ووڈ نائٹ منعقد ہو گی۔ اسکے بعد مایوں اور رسم حنا اور پھر آخر میں بارات ہو گی۔
ٹک ٹاکر کی انسٹا سٹوری دیکھتے ہی دیکھتے سوشل میڈیا پر وائرل ہوگئی اور ان کی شادی سے متعلق قیاس آرائیاں کی جانے لگیں۔ صارفین متجسس ہیں کہ اگر جنت مرزا کی شادی ہو رہی ہے تو ان کے دولہا کون ہیں؟ لیکن کچھ دیر بعد تجسس ختم ہو گیا جب یہ پتا چلا کہ دراصل تقریبات کی فہرست جنت مرزا کی نہیں بلکہ ان کی بہن اور ٹک ٹاکر سحر مرزا کی ہے۔
