اسلام آباد میں ایران اور امریکہ کے درمیان ممکنہ دوسرے دور کے مذاکرات کی تیاریوں کے سلسلے میں سکیورٹی سخت کرنے کا فیصلہ کیا گیا ہے۔ ذرائع کے مطابق، وفاقی دارالحکومت اور راولپنڈی میں سکیورٹی ہائی الرٹ کر دی گئی ہے۔
اطلاعات کے مطابق، دونوں شہروں میں تمام ٹرانسپورٹ اڈوں کو عارضی طور پر بند کرنے کا فیصلہ کیا گیا ہے، جو 26 اپریل تک نافذ العمل رہے گا۔ اس دوران دیگر اضلاع سے داخل ہونے والی ٹریفک کو بھی معطل رکھا جائے گا تاکہ سکیورٹی انتظامات کو مؤثر بنایا جا سکے۔
حکام کا کہنا ہے کہ پبلک ٹرانسپورٹ، ٹورازم سروسز اور رینٹ اے کار سروسز کو بھی عارضی طور پر بند رکھنے کا فیصلہ کیا گیا ہے۔
ذرائع کے مطابق، ان اقدامات کا مقصد ایران اور امریکہ کے درمیان ممکنہ مذاکرات کے دوران کسی بھی سکیورٹی خدشے سے نمٹنا اور صورتحال کو مکمل طور پر کنٹرول میں رکھنا ہے۔
