اسلام آباد ہائیکورٹ نے سانحہ پمز پر تحقیقات کیلئے قائم کمیٹی کی جانب سے وزیراعظم کو پیش کردہ رپورٹ اور اس پر اب تک ہوئی عمل درآمد اور کارروائی کی تفصیلات طلب کرلیں ۔
اسلام آباد ہائیکورٹ میں سانحہ پمز پر جوڈیشل انکوئری کے لیے شہری منیر احمد کی درخواست پر سماعت ہوئی جس دوران عدالت نے درخواست کو پہلے سے زیر سماعت کیس کے ساتھ یکجا کردیا ۔
اسلام آباد ہائیکورٹ نے پمز واقعے کی تحقیقات کیلئے قائم کی گئی کمیٹی کی جانب سے وزیر اعظم کو پیش کی گئی رپورٹ اور اس پر اب تک ہونے والی کارروائی کی رپورٹ طلب کر لی ۔
عدالت کی جانب سے وفاق کو سانحہ پمز پر تفصیلی جواب جمع کرانے کا حکم جاری کیا گیا ہے،عدالت نے جواب طلب کیا ہے کہ قائمہ کمیٹی صحت کی پمز سے متعلق گزشتہ سال کی رپورٹ پر کارروائی کیوں نہیں کی گئی؟
