پاکستان کے نائب وزیراعظم و وزیر خارجہ اسحاق ڈار اور سعودی وزیر خارجہ شہزادہ فیصل بن فرحان کے درمیان ٹیلیفونک رابطہ ہوا، جس میں خطے کی موجودہ صورتحال اور باہمی دلچسپی کے مختلف امور پر تبادلہ خیال کیا گیا۔
وزارت خارجہ کی جانب سے سوشل میڈیا پلیٹ فارم ایکس پر جاری بیان کے مطابق دونوں رہنماؤں نے جنگ بندی کے باوجود خطے میں جاری کشیدہ صورتحال پر تشویش کا اظہار کیا اور علاقائی امن و استحکام سے متعلق مختلف امور پر خیالات کا تبادلہ کیا۔
بیان کے مطابق سعودی وزیر خارجہ شہزادہ فیصل بن فرحان نے پاکستان کے دورے کا بھی ذکر کرتے ہوئے کہا کہ وہ جلد از جلد اسلام آباد کا دورہ کریں گے۔
اس موقع پر وزیر خارجہ اسحاق ڈار نے سعودی عرب میں ہیلی کاپٹر حادثے کے نتیجے میں 14 قیمتی جانوں کے ضیاع پر گہرے دکھ اور افسوس کا اظہار بھی کیا۔
