منیلا: نائب وزیراعظم اور وزیر خارجہ محمد اسحاق ڈار اور نیوزی لینڈ کے وزیر خارجہ ونسٹن پیٹرز کے درمیان منیلا میں آسیان ریجنل فورم کے موقع پر ملاقات ہوئی۔
ترجمان دفتر خارجہ کے مطابق دونوں رہنماؤں نے پاکستان اور نیوزی لینڈ کے دوطرفہ تعلقات کا جائزہ لیا.
دونوں رہنماؤں نے تجارت و سرمایہ کاری، کھیلوں اور عوامی روابط کے شعبوں میں تعاون مزید مضبوط بنانے کے عزم کا اعادہ کیا۔
دونوں وزرائے خارجہ نے ادارہ جاتی روابط، باقاعدہ رابطوں اور اعلیٰ سطحی تبادلوں کو فروغ دینے پر بھی زور دیا۔
ملاقات میں علاقائی اور بین الاقوامی صورتحال پر تبادلۂ خیال کیا گیا۔
نیوزی لینڈ کے وزیر خارجہ ونسٹن پیٹرز نے حالیہ امریکہ۔ایران کشیدگی کے دوران پاکستان کے تعمیری کردار کو سراہتے ہوئے مکالمے، کشیدگی میں کمی اور علاقائی امن کے فروغ کے لیے پاکستان کی کوششوں کی تعریف کی۔
ملاقات میں دونوں وزرائے خارجہ نے مستقبل میں قریبی رابطے برقرار رکھنے، دوطرفہ تعاون کو مزید وسعت دینے اور باہمی دلچسپی کے تمام شعبوں میں روابط مضبوط بنانے پر اتفاق کیا۔
