ملک بھر میں سردی کی شدت برقرار ہے، مختلف علاقوں میں وقفے وقفے سے جہاں برفباری کا سلسلہ جاری ہے وہاں بعض علاقوں میں بارشیں بھی ہو رہی ہیں جس سے سردی کی شدت میں مزید اضافہ ہوا ہے ۔
رپورٹس کے مطابق ہنزہ میں درجہ حرارت منفی 11 ڈگری سینٹی گریڈ تک گر گیا ہے جبکہ قلات میں منفی 9 ڈگری سینٹی گریڈ ریکارڈ کیا گیا ہے ۔
رپورٹ میں بتایا گیا ہے کہ کوئٹہ میں منفی 7، ایبٹ آباد میں 4، پشاور میں 6، بہاولپور میں 7 ، کراچی میں 9 جبکہ لاہور میں 11ڈگری سینٹی گریڈ ریکارڈ ہوا ہے ۔
محکمہ موسمیات کے مطابق بالائی خیبر پختونخوا،گلگت بلتستان، کشمیر ، مری ،گلیات اورگردونواح میں مطلع جزوی ابرآلود رہنے کی پیش گوئی ہے جبکہ چند مقامات پر گرج چمک کے ساتھ بارش اور پہاڑوں پر بر فباری کا امکان ہے ۔
