اسلام آباد: پی ٹی آئی کے بانی سابق وزیراعظم عمران خان کو سانحہ 9 مئی جی ایچ کیو حملہ کیس میں بھی گرفتار کر لیا گیا ہے۔
راولپنڈی میں انسداد دہشتگردی عدالت کے جج ملک اعجاز نے کیس کی سماعت کی۔ اس کے لیے عمران خان کو عدالت میں طلب کیا گیا تھا تاہم جیل حکام نے انہیں پیش کرنے سے معذرت کرلی جس کے بعد ان کی پیشی ویڈیو لنک کے ذریعے کی گئی۔ دوران سماعت ایس ایچ او تھانہ آر اے بازار نے عمران خان کے جسمانی ریمانڈ کی استدعا کی جسے عدالت نے مسترد کردیا۔
