پاکستان تحریک انصاف کے سینیٹر علی ظفر نے پیر کے روز انکشاف کیا کہ پارٹی اگلے 24 گھنٹوں میں اپنے امیدواروں کا اعلان کر دے گی۔
میڈیا سے گفتگو میں سینیٹر نے بتایا کہ پارٹی نے پی ٹی آئی کے ٹکٹ پر الیکشن لڑنے کے خواہشمند 98%-99% امیدواروں کو تصدیق جاری کر دی ہے۔ انہوں نے مزید کہا کہ مشکل سے 2 فیصد نشستوں پر فیصلہ لینے کی ضرورت ہے۔
سینیٹر علی ظفر کا کہنا تھا کہ کون کس نشست پر الیکشن لڑے گا اس کی منظوری دے دی گئی ہے۔ امیدواروں کا اعلان آج یا کل کیا جائے گ۔ انہوں نے مزید کہا کہ فیصلہ پشاور ہائی کورٹ (پی ایچ سی) کے فیصلے کے بعد سنایا جائے گا۔
پی ٹی آئی رہنما نے یہ بھی بتایا کہ بڑی تعداد میں وکلاء کو الیکشن لڑنے کے لیے ٹکٹ دیے گئے ہیں۔ تاہم انہوں نے واضح کیا کہ پارٹی کے وکلاء اور کارکنوں کو کتنے ٹکٹ دیئے گئے اس کا کوئی تناسب نہیں ہے۔
