وفاقي دارالحکومت کے جڑواں شہر راولپنڈی کے ایک گرلز سیکنڈری سکول میں آئس کے استعمال کاانکشاف ہوا ہے ۔
راولپنڈی کے علاقے صادق آباد کے ایک گرلز سیکنڈری سکول میں آئس کے استعمال کا انکشاف ہوا ہے اس حوالے سے سکول انتظامیہ نے منشیات کے استعمال سے متعلق پولیس کو آگاہ کردیا ۔
سکول انتظامیہ کا کہنا ہے کہ ساتویں کلاس کی طالبہ کے بیگ سے بوتل برآمد کی گئی، نشہ آورچیز کلاس میں بچیوں کو پلائی گئی جس سےوہ بے ہوش ہوگئیں جس کے بعد سکول انتظامیہ نے متعلقہ بچی کے والدین کو بلاکر تمام واقعے سے آگاہ کیا ۔
سکول انتظامیہ کے مطابق 20 مئی کو بچی کے والدین اور کچھ دیگر افراد نے سکول انتظامیہ پرحملہ کیا اور توڑ پھوڑ کی جب کہ حملے میں ایک ٹیچر بھی زخمی ہوئی ،پولیس نے سکول انتظامیہ کی درخواست پر تحقیقات شروع کردی ہیں ۔
