عالمی منڈی میں خام تیل کی قیمتوں میں مزید کمی ریکارڈ کی گئی ہے، جہاں برینٹ کروڈ ایک ڈالر دو سینٹ جبکہ ویسٹ ٹیکساس انٹرمیڈیٹ (ڈبلیو ٹی آئی) خام تیل کی قیمت میں 76 سینٹ فی بیرل کی کمی آئی ہے۔
غیر ملکی میڈیا کے مطابق برطانوی برینٹ خام تیل کی قیمت میں 1.1 فیصد کمی کے بعد یہ 89 ڈالر 72 سینٹ فی بیرل پر فروخت ہو رہا ہے۔
اسی طرح امریکی ڈبلیو ٹی آئی خام تیل کی قیمت میں 0.85 فیصد کمی ریکارڈ کی گئی ہے، جس کے بعد اس کی قیمت 83 ڈالر 74 سینٹ فی بیرل ہو گئی ہے۔
معاشی ماہرین کا کہنا ہے کہ اگر ایران اور امریکا کے درمیان کشیدگی یا ممکنہ جنگ میں شدت آتی ہے تو عالمی منڈی میں خام تیل کی قیمتیں دوبارہ بڑھ سکتی ہیں۔
