تلہ گنگ : جنوبی وزیرستان کے صدر مقام وانا میں گزشتہ روز دہشتگردوں کے ساتھ مقابلے میں پاک فوج کے شہید ہونے والے نائب صوبیدار ملک کاشف کی نماز جنازہ تلہ گنگ میں ادا کر دی گئی ۔
شہید کی نماز جنازہ میں پاک فوج کے افسران ،اہل علاقہ اور خاندان کے افراد سمیت بڑی تعداد میں لوگوں نے شرکت کی ۔
نماز جنازہ کے بعد نائب صربیدار شہید ملک کاشف کو اپنے آبائی قبرستان میں پورے فوجی اعزاز کے ساتھ سپرد خاک کر دیا گیا ۔
شہید نے پسماندگان میں دو بیٹے ، ایک بیٹی اور بیوہ سوگوار چھوڑے ہیں ، نائب صوبیدار ملک کاشف نے وانا میں دہشتگردوں کے ساتھ بہادری کے ساتھ لڑتے ہوئے جام شہادت نوش کیا تھا ۔
