کراچی: سابق وزیراعظم آزادکشمیر سردار تنویر الیاس پیپلزپارٹی میں شامل ہوگئے، اس حوالے سے سردار تنویر الیاس نے گزشتہ روز کراچی میں صدرپیپلز پارٹی شعبہ خواتین فریال تالپور سے ملاقات کی ۔
فریال تالپور سے سابق وزیراعظم آزادکشمیر تنویر الیاس کی ملاقات کے دوران گورنر پنجاب اور پیپلز پارٹی کے دیگر رہنما بھی موجود تھے ۔
ترجمان زرداری ہاؤس کے مطابق سردار تنویر الیاس، علی شان سونی اور احمد صغیر نے پیپلزپارٹی میں شمولیت کا اعلان کیا، اس موقع پر سابق وزیراعظم آزادکشمیر تنویرالیاس نے کہا کہ کشمیر کاز کے لیے پیپلزپارٹی کی کاوشیں بے مثال ہیں ۔
فریال تالپور نے کہا کہ بلاول بھٹوزرداری وزیراعظم بنیں گے تو آزادکشمیر کی بے مثال ترقی ہوگی، مقبوضہ کشمیر کی بھارت سے آزادی کا خواب حقیقت بنےگا ۔
