ڈسٹرکٹ جیل اٹک میں منشیات کے مقدمے میں گرفتار ملزم نے مبینہ طور پر خودکشی کرلی، جوڈیشل آفیسر نے واقعے کی تحقیقات شروع کردیں ۔
اٹک: جیل ذرائع کے مطابق ملزم آصف علی کو حسن ابدال پولیس نے رواں ماہ گرفتار کیا تھا اور اسے جیل منتقل کیا گیا تھا ۔
ذرائع نے بتایا کہ ملزم نے دوران حراست مبینہ طور پر خودکشی کرلی ہے،واقعے کے بعد لاش کو فوری طور پر ہسپتال منتقل کیا گیا جہاں ڈاکٹروں نے موت کی تصدیق کردی ۔
حکام کے مطابق واقعے کی تحقیقات جوڈیشل آفیسر کی نگرانی میں شروع کر دی گئی ہیں تاکہ تمام حقائق سامنے لائے جا سکیں ۔
