سابق وزیراعظم نواز شریف اور وزیراعلیٰ پنجاب مریم نواز کی جانب سے آزاد جموں و کشمیر کے عوام سے کیا گیا وعدہ پورا کرتے ہوئے جدید ترین 10 الیکٹرک بسوں کا تحفہ آزاد کشمیر پہنچ گیا ۔
اسلام آباد سے روانہ ہونے والا جدید الیکٹرک بسوں کا قافلہ مظفرآباد پہنچا تو پاکستان مسلم لیگ (ن) کے رہنماؤں، کارکنوں اور مقامی شہریوں نے نعروں اور پرتپاک استقبال کے ساتھ بسوں کا خیرمقدم کیا ۔
پنجاب حکومت کی جانب سے بھیجے گئے الیکٹرک بسوں پر آویزاں بینرز پر وزیراعلیٰ پنجاب مریم نواز شریف کی تصویر کے ساتھ ’ آزاد کشمیر کے لیے تحفہ‘ درج تھا ۔
یاد رہے کہ محمد نواز شریف اور وزیراعلیٰ مریم نواز شریف نے مظفرآباد میں اپنے پہلے انتخابی جلسے کے دوران آزاد کشمیر کے لیے جدید الیکٹرک بسیں فراہم کرنے کا اعلان کیا تھا جسے اُنہوں نے 72 گھنٹوں کے اندر عملی جامہ پہناتے ہوئے پورا کر دیا ۔
