پاکستان کی معروف اداکارہ و ماڈل عائشہ عمر نے حال ہی میں نجی ٹی وی کے شو میں یہ اعتراف کیا ہے کہ وہ ماضی میں جس لڑکے کے ساتھ تعلقات میں تھیں انھوں نے متعدد بار مجھے تشدد کا نشانہ بنایا۔
عائشہ عمر نے ایک پاکستانی نجی شو میں بطور مہمان شرکت کی جہاں انہوں نے اپنے سابقہ بوائے فرینڈ کے بارے میں کھل کر بتاتے ہوئے کہا کہ ماضی میں جس لڑکے کے ساتھ میرے تعلقات تھے اس متعدد بار تشدد کا نشانہ بنایا، عمر کم ہونے کے باعث میں اس ناروا سلوک کو محبت سمجھنے لگی تھی۔ ان کا مزید کہنا تھا وہ شخص بدسلوکی کے بعد اپنی غلطی کا اعتراف کرکے مجھ سے معافی مانگتا لیتا، اس سے برادشت نہیں ہوتا تھا کہ کوئی دوسرا شخص مجھے دیکھے یا مجھ سے بات کرے۔
انھوں نے کہا کہ میں ان جذباتی باتوں کو سچی محبت سمجھ کر خاموشی سے تشدد برداشت کرتی رہی۔ انھوں نے اس تعلق کے بارے میں مزید بتاتے ہوئے کہا کہ ہماری شادی قریب تھی لیکن میری خوش قسمتی تھی کہ ایسا نہیں ہوا۔
