اسلام آباد: وفاقی وزیر شزا فاطمہ خواجہ نے یو این وومن کے ریسپانسیو اے آئی سکول کی تقریب سے خطاب کیا۔
اپنے خطاب میں وفاقی وزیر نے کہا کہ جدید دور میں مصنوعی ذہانت کے بغیر کوئی بھی ملک ترقی نہیں کر سکتا۔
وفاقی وزیر شزا فاطمہ نے کہا کہ ملک میں خواتین موبائل صارفین کی تعداد میں مسلسل اضافہ ہو رہا ہے۔
آئی ٹی سیکٹر میں خواتین کا کردار نہایت اہم ہے۔
انہوں نے کہا کہ ملکی ترقی اور خوشحالی کے لیے خواتین کی مؤثر شمولیت ناگزیر ہے۔
وفاقی وزیر شزا فاطمہ نے کہا کہ حکومت ڈیجیٹل رابطوں اور معلومات تک رسائی کو مزید آسان بنا رہی ہے۔
انہوں نے مزید کہا کہ آئندہ نسلیں معلومات اس انداز میں حاصل کریں گی جو ہمارے دور سے بالکل مختلف ہوگا۔
وفاقی وزیرشزا فاطمہ نے کہا کہ پہلے تعلیم سکول، اساتذہ اور والدین سے ملتی تھی، مگر آج حالات بدل چکے ہیں۔
انہوں نے کہا کہ حکومت ڈیجیٹل ادائیگیوں کے فروغ کے لیے مؤثر اقدامات کر رہی ہے۔
وفاقی وزیرشزا فاطمہ نے کہا کہ خواتین کو بااختیار بنانے کے لیے ایک کروڑ مفت سمز تقسیم کی گئیں۔
انہوں نے کہا کہ نوجوانوں کو بین الاقوامی مارکیٹ کے تقاضوں کے مطابق تیار کرنا ہوگا۔
انہوں نے مزید کہا کہ ملازمتیں وہ لوگ حاصل کریں گے جو ٹیکنالوجی کو مؤثر طریقے سے استعمال کرنا جانتے ہوں۔
وفاقی وزیر شزا فاطمہ نے کہا کہ ہمیں جدید ٹیکنالوجی کو جلد از جلد اپنانا ہوگا اور خود کو، اپنے خاندان اور پاکستان کو بدلتے ہوئے دور کے لیے تیار کرنا ہوگا۔
وفاقی وزیر شزا فاطمہ نے کہا کہ مصنوعی ذہانت مستقبل میں ہماری زندگی، معیشت اور ترقی کا ایک اہم ستون بننے جا رہی ہے۔
