آسٹریلیا نے دوسرے ون ڈے میں پاکستان کو میچ جیت کے لیے 232 رنز کا ہدف دے دیا، مہمان ٹیم نے مقررہ اوورز میں 9 وکٹ کے نقصان پر 231 رنز بنائے ۔
لاہور کے قذافی سٹیڈیم میں جاری تین میچز کی سیریز کے دورسرے ون ڈے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ۔
مہمان ٹیم آسٹریلیا نے پہلےکھیلتے ہوئے مقررہ 50 اوورز میں 9 وکٹ پر 231 رنز بنائے،کیمرون گرین 53، جوش انگلس 51 اور میٹ رِن شا 43 رنز بنا کر نمایاں بیٹرز رہے ۔
پاکستان کی جانب سے کپتان شاہین آفریدی نے 3 جبکہ حارث رؤف ، عرفات منہاس اور ابرار احمد نے 2،2 کھلاڑیوں کو آوٹ کیا ۔
232 رنز ہدف کے تعاقب میں قومی ٹیم کی بیٹنگ جاری ہے ، پاکستان کی بیٹنگ مقررہ ہدف کے تعاقب مین مشکلات سے دوچار ہے ۔
واضح رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے ۔
