محکمہ موسمیات پاکستان کے مطابق اسلام آباد اور ملحقہ علاقوں میں موسم گرم اور خشک رہنے کا امکان ہے۔
محکمہ موسمیات کا کہنا ہے کہ خیبرپختونخوا کے بالائی علاقوں اور قبائلی اضلاع میں بارش کی پیشگوئی کی گئی ہے، جس سے موسم نسبتاً خوشگوار ہو سکتا ہے۔
رپورٹ کے مطابق پنجاب کے مختلف علاقوں میں گرمی کی شدت برقرار ہے اور درجہ حرارت معمول سے زیادہ رہنے کا امکان ہے۔
مری اور گلیات میں مطلع ابر آلود رہے گا، جبکہ کہیں کہیں ہلکی بارش بھی متوقع ہے۔
محکمہ موسمیات نے بتایا کہ سندھ میں موسم شدید گرم اور خشک رہے گا، جبکہ شہری علاقوں میں گرمی کی لہر برقرار رہ سکتی ہے۔
اسی طرح بلوچستان کے جنوبی اضلاع میں شدید گرمی پڑنے کا امکان ظاہر کیا گیا ہے۔
کشمیر اور گلگت بلتستان میں مطلع جزوی طور پر ابر آلود رہے گا اور چند مقامات پر بارش کی پیشگوئی کی گئی ہے۔
محکمہ موسمیات نے شہریوں کو گرمی کے باعث احتیاطی تدابیر اختیار کرنے کی ہدایت بھی کی ہے۔
