پولیس کارروائی کے دوران ہری پور میں ایک منشیات فروش کو گرفتار کر لیا گیا۔ ملزم سے 1 کلو 690 گرام چرس اور پستول برآمد کر لیا گیا۔
پولیس کے مطابق ڈی پی او سلیمان ظفر کے احکامات کی روشنی میں ایس ایچ او تھانہ حطار شہریار خان نے پولیس نفری کے ہمراہ ڈی ایس پی سرکل خانپور کی زیر نگرانی کارروائی کرتے ہوئے منشیات فروشی میں ملوث فیصل رحمان ولد حیدر زمان سکنہ حطار کو گرفتار کر کے 1 کلو 690 گرام چرس اور پستول برآمد کر لیا۔ ملزم کے خلاف امتناع منشیات اور اسلحہ ایکٹ کے تحت مقدمہ درج رجسٹر کر کے تفتیش شروع کر دی گئی ہے۔
