اسلام آباد: وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک نے اسلام آباد میں منعقدہ شجرکاری مہم میں شرکت کی۔
اس مہم کا انعقاد وزارتِ موسمیاتی تبدیلی و ماحولیاتی ہم آہنگی، پاکستان ماحولیاتی تحفظ ایجنسی، اور سی ڈی اے کے اشتراک سے کیا گیا۔
یہ شجرکاری مہم وزارت کی وسیع تر شجرکاری مہم کا حصہ ہے۔
اس مہم کا مقصد وفاقی دارالحکومت میں سبزہ بڑھانا اور شہری ماحول کو بہتر بنانا ہے۔
تقریب کے دوران ایک مصوری مقابلے کا بھی انعقاد کیا گیا جس میں مختلف اسکولوں کے طلبہ نے بھرپور شرکت کی۔
ڈاکٹر مصدق ملک نے شجرکاری مہم کے دوران ایک پودا لگایا اور طلبہ سے ملاقات بھی کی۔
وفاقی وزیر نے کہا کہ بچوں کے پاس ایسی تخلیقی سوچ اور خیالات ہوتے ہیں جنہیں معاشرہ اکثر نظر انداز کر دیتا ہے۔
ضروری ہے کہ ان کی صلاحیتوں کی حوصلہ افزائی اور حفاظت کی جائے۔
انہوں نے زور دیا کہ ان بچوں کے بہتر مستقبل کے لیے مؤثر موسمیاتی اقدامات ناگزیر ہیں۔
