ہری پور میں سانحہ حطار کے متاثرین کی معاونت کے لیے ایک تقریب کا انعقاد کیا گیا، جس میں پاکستان مسلم لیگ (ن) کے رکن قومی اسمبلی بابر نواز خان کی جانب سے امدادی چیکس تقسیم کیے گئے ۔
ہری پور: تقریب کے دوران جاں بحق افراد کے لواحقین کو فی کس 20 لاکھ روپے جبکہ زخمیوں کو 5 لاکھ روپے فی کس فراہم کیے گئے ۔
تقریب میں ڈپٹی کمشنر ہری پور، ایم پی اے شازیہ جدون، قاضی محمد اسد، سابق تحصیل چیئرمین سمیع اللہ خان سمیت دیگر سیاسی و سماجی شخصیات اور کارکنان نے شرکت کی ۔
مقررین کا کہنا تھا کہ متاثرہ خاندانوں کو تنہا نہیں چھوڑا جائے گا اور ان کی ہر ممکن مدد جاری رکھی جائے گی، یاد رہے کہ سانحہ حطار میں 8 افراد جان کی بازی ہار گئے تھے جبکہ 11 افراد زخمی ہوئے تھے ۔
