پشاور (شوبز ڈیسک) — کے ٹو اسلام آباد سے نشر ہونے والا مشی خان کا مارننگ شو “کےٹو سحر” طویل عرصے سے ناظرین کی توجہ کا مرکز بنا ہوا ہے۔
اس پروگرام میں مشی خان نہ صرف ایک تجربہ کار میزبان کے طور پر اپنی صلاحیتوں کا لوہا منوا رہی ہیں بلکہ انہوں نے بطور شیف بھی اپنی منفرد پہچان بنائی ہے، جس کا اعتراف ملک بھر میں ان کے مداح، خصوصاً خواتین و حضرات، کرتے ہیں۔
مشی خان اپنے شو میں روزمرہ کے عوامی مسائل، سماجی رویوں اور بعض عناصر کی بے حسی کو مثبت اور تعمیری انداز میں اجاگر کرتی ہیں، جس کا بنیادی مقصد معاشرے میں انسانیت اور تہذیبی اقدار کو فروغ دینا ہے۔
پروگرام کے دوران وہ کال کرنے والے ناظرین سے خوشگوار انداز میں گفتگو کرتی ہیں اور ان کے سوالات کے تسلی بخش جوابات دیتی ہیں، جسے ناظرین کی جانب سے بے حد سراہا جاتا ہے۔
“کےٹو سحر” اپنی منفرد پیشکش اور دلچسپ مواد کی وجہ سے گھر گھر دیکھا جانے والا مقبول مارننگ شو بن چکا ہے۔
