آزادجموں و کشمیر میں بھمبر کے نواحی علاقے کسچناتر سے تین معصوم بچوں کی لاشیں برآمد ہو گئیں، پولیس کے مطابق بچوں کی والدہ سمیت دو افراد کو گرفتار کرلیا گیا، مزید تفتیش جاری ہے ۔
بھمبر: برآمد ہونے والے بچوں میں ایک 12 سالہ لڑکا اور دو کم عمر لڑکیاں شامل ہیں، ابتدائی تحقیقات میں انکشاف ہوا کہ بچوں پر تیزاب پھینکنے کے بعد دفن کیا گیا ۔
بھمبر پولیس نے مشترکہ کارروائی کرتے ہوئے بچوں کی والدہ اور اس کے آشنا کو بچوں کے قتل کے الزام میں گرفتار کر لیا، گرفتار ملزمان سے مزید تفتیش جاری ہے ۔
واقعے کے بعد عوام میں شدید غم و غصہ پایا جاتا ہے، اہل علاقہ نے ملزمان کو سخت سزا دینے کا مطالبہ کیا، پولیس کے مطابق شواہد کی بنیاد پر مزید اہم انکشافات متوقع ہیں ۔
