وفاقی دارالحکومت اسلام آباد میں تھانہ سبزی منڈی کی حدود میں نامعلوم ملزمان کی فائرنگ سے اے ایس آئی شہید ہوگیا، شہید اہلکار کی شناخت علی اکبر کے نام سے ہوئی، تعلق کرک سے بتایا جاتا ہے ۔
اسلام آباد: پولیس حکام کے مطابق تھانہ سبزی منڈی کی حدود میں واقع سی ڈی اے چوک کے قریب نامعلوم افراد نے فائرنگ کی ہے جس سے اسلام آباد پولیس کے اے ایس آئی علی اکبر خان شہید ہو گئے ۔
پولیس حکام کا کہنا ہے کہ نامعلوم ملزمان اسلام آباد پولیس کے اے ایس آئی علی اکبر کو گولیاں مارکر فرار ہونے میں کامیاب ہو گئے ہیں ۔
پولیس ذرائع نے کہا کہ اے ایس آئی علی اکبر کو شدید زخمی حالت میں اسپتال منتقل کیا جا رہا تھا کہ وہ زخموں کی تاب نہ لاتے ہوئے راستے میں ہی دم توڑ گئے ۔
پولیس کا یہ بھی کہنا ہے کہ شہید اہلکار علی اکبر خان کا تعلق خیبر پختونخوا کے ضلع کرک سے ہے ۔
