ہری پور میں محبوبہ سے ملنے کے لئے جانے والے پولیس اہلکار کو اہلخانہ نے پکڑ لیا۔ورثا نے ہری ہور پولیس کے خلاف احتجاج کیا۔
ذرائع کے مطابق ہری پور جھاری کس چیک پوسٹ پر تعینات پولیس اہلکار رات کے اندھیرے میں اظہار محبت کرنے لڑکی کے گھر چلا گیا۔جس پر اہل محلہ نے پولیس اہلکار کو رنگے ہاتھوں پکڑ کراس کو ایک دکان کے اندر بند کردیا۔لڑکی کے ورثا اور اہل محلہ نے ہری ہور پولیس کے خلاف احتجاج کیا اور اس کے ساتھ ہی جی ٹی روڈ کو بھی بلاک کردیا۔ذرائع کے مطابق حالات کشیدہ ہونے کے باعث ایس پی انوسٹی گیشن ڈی ایس پی خانپور عزیر خان نے موقع پر پہنچ گئے اور اہلکار کے خلاف سخت ترین قانونی کاروائی کی یقین دہانی بھی کرائی۔
پولیس اہلکار کو تھانہ کوٹ نجیب اللہ پولیس نے عوام کے قنضے سے نکال کر تھانے میں منتقل کردیا ۔ڈی ایس پی عزیز خان کے مطابق پولیس اہلکار کے خلاف مقدمہ درج کرکے اس کو سخت سزا دی جائے گی۔مزید انہوں نے کہا کہ پولیس وردی کی بے حرمتی بالکل بھی برداشت نہیں کی جائے گی۔
