12 ربیع الاول عید میلاد النبی صلی اللہ علیہ وآلہ وسلم کے موقع پر اسلام آباد پولیس کے 2000سے زائد پولیس افسران و جوان سیکورٹی ڈیوٹی کے فرائض کو سر انجام دیں گے۔
ذرائع کے مطابق 2000سے زائد پولیس افسران و جوان سیکورٹی ڈیوٹی کے فرائض کو سر انجام دیں گے۔ٹریفک کے موثر انتظامات کے لیے ٹریفک پولیس کےافسران فرائض سرانجام دینگے۔ڈی آئی جی اسلام آباد کے مطابق مرکزی جلوس سمیت دیگر جلوسوں کی سیکورٹی کے لئے 2000سے زائد افسران فرائض سرانجام دینگے۔جلوس کے انٹری پوائنٹس پر واک تھرو گیٹس لگائے جائیں گے۔جلوس کے شرکاء کو مکمل طور پر باڈی سرچ کے بعد داخلے کی اجازت دی جائے گی۔جلوس کی سیکورٹی کیلئے چھتوں پر سنائپرز تعینات ہوں گے۔
ذرائع کے مطابق ڈی آئی جی اسلام آباد نے مزید کہا کہ جلوس کے روٹ پر گلیوں،سڑکوں اور دیگر راستوں کو سیل کیا جائے گا۔تمام تھانوں کی پولیس اپنے علاقہ میں جلوسوں کی سیکورٹی اور گشت کے فرائض کو سرانجام دے گی۔یاد رہے کہ عید میلاد النبی صلی اللہ علیہ وآلہ وسلم کے موقع پر فول پروف سیکورٹی کو یقینی بنانے کے لئے تمام وسائل بروئے کار لائے جا رہے ہیں۔
