اسلام آباد میں گزشتہ رات سے بارش کا سلسلہ جاری ہے۔
شہر میں کہیں موسلا دھار تو کہیں ہلکی بارش ہورہی ہے۔جبکہ شہر بھر کی شاہراہوں پر ٹریفک کی روانی جاری ہے۔ترجمان ضلعی انتظامیہ کے مطابق اسلام آباد میں بارش کا سلسلہ گزشتہ رات سے ہی جاری ہے۔ گزشتہ رات سے ضلعی انتظامیہ، ایم سی آئی اور سی ڈی اے ٹیمز فیلڈ میں موجود ہیں۔نشیبی علاقوں اور نالوں کی مانیٹرنگ کے لیے اسسٹنٹ کمشنرز خود موقع پر موجود ہیں۔
ذرائع کے مطابق ڈی سی اسلام آباد نکاسی آب کے عمل کی براہ راست مانیٹرنگ کر رہے ہیں۔اب تک کسی شاہراہ یا علاقے میں پانی کھڑا ہونے کی شکایت موصول نہیں ہوئی۔جبکہ اس کے ساتھ ہی شہری کسی بھی ہنگامی صورتحال میں 16 پر فی الفور رابطہ کر سکتے ہیں۔
