پشاور میں نامعلوم مسلح افراد نے ایک ٹریفک پولیس اہلکار کو گولی مار کر قتل کر دیا گیا۔
تفصیلات کے مطابق، ٹریفک پولیس اہلکار محمد طاہر کو رنگ روڈ کے کبوتر چوک پر اس وقت نشانہ بنایا گیا، جب وہ اپنی ڈیوٹی ختم کرکے اپنے گھر واپس جا رہا تھا۔واقعہ کی اطلاع ملتے ہی پولیس کی بھاری نفری موقع پر پہنچ گئی۔ لاش کو ہسپتال منتقل کر دیا گیا۔
اس سے قبل صوبہ خیبر پختونخواہ کے ضلع ڈیرہ اسماعیل خان میں آئل اینڈ گیس کمپنی کے کیمپ پر ہونے والے دہشت گردانہ حملے میں کم از کم دو پولیس اہلکار شہید اور تین زخمی ہوئے۔ پولیس حکام نے بتایا کہ دہشت گردوں نے ڈیرہ اسماعیل خان کے علاقے درازندہ میں آئل اینڈ گیس کمپنی کے کیمپ پر حملہ کیا۔ دہشت گردوں سے فائرنگ کے تبادلے میں کیمپ کی سیکیورٹی پر تعینات دو پولیس اہلکار اے ایس آئی رحمت الٰہی اور خان عارف شہید جب کہ تین پولیس اہلکار عالمگیر خان، فضل الرحمان اور عطا الرحمان زخمی ہوگئے۔
