پی ایس ایل 9 کا میلہ سج گیا۔6 ٹیموں کے درمیان مقابلے جاری ۔ آج پانچویں میچ میں ملتان سلطانز اور اسلام آباد یونائیٹڈ مدمقابل ہوں گے۔
ملتان میں کھیلنے جانے والا میچ پاکستانی وقت کے مطابق شام سات بجے شروع ہوگا۔ دونوں ٹیموں نے اب تک ایک ایک میچ کھیلا ہے اس میں فتح حاصل کی ہے۔ دونوں ٹیموں کے کھلاڑیوں کی میچ سے قبل پریکٹس سیشن۔کھلاڑیوں نے بولنگ ،بیٹنگ اور فیلڈنگ میں پریکٹس کی۔یادررہے کہ پی ایس ایل کے چوتھے میچ میں کوئٹہ گلیڈی ایٹرز نے لاہور قلندرز کو 5وکٹ سے شکست دی۔
لاہور قلندر نے پہلے کھیلتے ہوئے کوئٹہ گلیڈی ایٹر کو188رن کا ہدف دیا تھا جسے کوئٹہ گلیڈی ایٹرز نے 20ویں اوور کی پہلی گیند پر حاصل کرلیا۔گزشتہ روز کا میچ جیتنے کے بعد پوائنٹس ٹیبل پر کوئٹہ گلیڈی ایٹرز 4پوائنٹس کے ساتھ پہلے ، ملتان سلطانز 2پوائنٹس کے ساتھ دوسرے نمبر پر ہے۔ جبکہ اسلام آباد یونائیٹڈ کے بھی دو پوائنٹ ہیںمگر اسکا رن ریٹ کم ہونے کی وجہ سے تیسرانمبر ہے۔لاہور قلندرزپانچویں، پشاور زلمی چھٹے اور کراچی کنگز آخری نمبر پر ہے۔لاہور قلندر،پشاور زلمی اور کراچی کنگز کے صفر پوائنٹس ہیں۔
