ماورا حسین نے حال ہی میں فوٹو اینڈ ویڈیو شیئرنگ ایپ انسٹاگرام پر اپنے مداحوں سے بات چیت کرنے کے لیے ایک سیشن رکھا اور مداحوں کے سوالات کا جواب دیے۔
مداحوں نے جب ان کی موجودہ خواہشات کے بارے میں پوچھا تو ماورا نے عاجزی اور اطمینان کے ساتھ جواب دیا، "میری مزید کوئی خواہش نہیں ہے، اللہ نے مجھے اس سے زیادہ دیا ہے جس کی میں نے کبھی خواہش کی تھی. ایک ہندوستانی مداح کی جانب سے بالی ووڈ کی فلموں میں دوبارہ دیکھنے کے امکان سے متعلق سوال پوچھا گیا۔ جس کے جواب میں ماورا کا کہنا تھا کہ میں نے دروازہ کھلا رکھا ہے ۔’ناممکن کچھ بھی نہیں ہے، کچھ بھی ہوسکتا ہے تو جو ہونا ہوگا ہوجائے گا‘۔ اس جواب نے ہندوستانی فلم انڈسٹری میں اداکارہ کے ممکنہ منصوبوں کے بارے میں مداحوں کو تجسس میں ڈال دیا۔
یاد رہے کہ اداکارہ ماورا حسین نے 2016ء میں فلم ’صنم تیری قسم‘ سے بالی ووڈ میں ڈیبیو دیا تھا
