راولاکوٹ میں واقع منجمند بنجوسہ جھیل پر چلنے والے 2 نوجوان برف ٹوٹنے سے اندر گر گئے تاہم دونوں کو بچا لیا گیا۔واضح رہے کہ بنجوسہ جھیل آزاد کشمیر کے ضلع پونچھ کی تحصیل راولاکوٹ سے 18 کلومیٹر کے فاصلہ پر واقع ہے۔
بنجوسہ جھیل مشہور سیاحتی مقام ہے جہاں سیاحوں کا رش رہتا ہے۔ خصوصاً موسم سرما میں جھیل کے منجمد ہونے پر لوگ اسے دیکھنے کیلئے یہاں کا رخ کرتے ہیں۔ ایسے ہی سیاحوں میں شامل دو نوجوانوں نے جمی ہوئی جھیل پر چلنے کی کوشش کی اور برف کچی ہونے کے باعث ٹھنڈے پانی میں جا گرے تاہم دونوں نوجوانوں کو ریسکیو کیا گیا اور انہیں ڈوبنے سے بچا لیا گیا۔
