امریکہ اور اسرائیل کے ایران پر حملوں اور سپریم لیڈر آیت اللہ خامنہ ای کی شہادت کے ممکنہ خلاف احتجاج کے پیش نظر وفاقی دارالحکومت اسلام آباد میں دفعہ 144 نافذ کر دی گئی ہے۔
ضلعی انتظامیہ کی جانب سے جاری بیان میں کہا گیا ہے کہ دفعہ 144 کے تحت ہر قسم کے اجتماعات غیرقانونی شمار ہوں گے۔ شہریوں کو کسی بھی احتجاج، ریلی یا اجتماع میں حصہ لینے سے منع کیا گیا ہے اور خلاف ورزی کی صورت میں سخت قانونی کارروائی عمل میں لائی جائے گی۔
ادھر امریکا اور اسرائیل کے ایران پر حملوں کے خلاف ایمبیسی روڈ پر ریلی نکالی جا رہی ہے، تاہم ریڈ زون کی طرف جانے والے تمام راستے بند کر دیے گئے ہیں تاکہ سکیورٹی کو یقینی بنایا جا سکے۔
