صوبہ پنجاب کا بجٹ گزشتہ روز صوبائی اسمبلی میں پیش کیا گیا، اس بجٹ میں راولپنڈی ڈویژن کیلئے کیا رکھا گیا؟اس کی تفصیلات سامنے آگئیں ۔
پشاور روڈ پر چیرنگ کراس انڈرپاس کیلئے 5 کروڑ 40 لاکھ،ریس کورس چوک پر انڈرپاس کیلئے 9 کروڑ 40 لاکھ،آرمی قبرستان چوک پر انڈرپاس کی تعمیر کیلئے 6 کروڑ 80 لاکھ روپے مختص کئے گئے ۔
کچہری چوک پر فلائی اوور اور توسیع کیلئے 16 کروڑ،جی ٹی روڈ پر افتخار جنجوعہ چوک انڈرپاس کی تعمیر کیلئے 6 کروڑ 90 لاکھ ،اڈیالہ روڈ پر خواجہ کارپوریشن فلائی اوور کیلئے 5 کروڑ 50 لاکھ،مال روڈ پر جی پی او چوک انڈرپاس کیلئے 1 کروڑ 80 لاکھ روپے رکھے گئے ہیں ۔
راولپنڈی میں خواتین کے خلاف تشدد کی روک تھام کے سینٹر کےقیام کیلئے12 کروڑ 42 لاکھ،راولپنڈی میں واسا کی جاری 5 ترقیاتی اسکیموں کے لئے 16 کروڑ 60 لاکھ روپےمختص کئے گئے ہیں ۔
راولپنڈی ڈویژن کے لیے بس ڈپو اور متعلقہ انفراسٹرکچر کی تعمیر کیلئے 10 کروڑ،راولپنڈی اور لاہور کے درمیان ہائی سپیڈ ریل کی فیزیبلٹی اینڈ سیڈ منی کیلئے 2 ارب روپے مختص کئے گئے ہیں ۔
راولپنڈی/اسلام آباد سے مری تک ٹورسٹ گلاس ٹرین کیلئے 1 ارب ،راولپنڈی کے تعلیمی منصوبوں کے لئے لگ بھگ 12 کروڑ 66 لاکھ روپےمختص کئے گئے ۔
مری میں اسپیشل بچوں کے لیے گورنمنٹ سکول کی تعمیر کیلئے 2 کروڑ،گوجر خان میں سپیشل ایجوکیشن سینٹر کی تعمیر کیلئے9 کروڑ 25 لاکھ،راولپنڈی میں بوائز کالج میں انفرا سٹرکچر کیلئے 4 کروڑ 77 لاکھ روپے،گرلز ڈگری کالج، واہ کینٹ کی تعمیر و بحالی کیلئے 9 کروڑ 29 لاکھ روپےمختص کئے گئے ہیں ۔
