پشاور (حسن علی شاہ) حسبِ روایت امسال بھی خیبر ٹیلی ویژن نیٹ ورک اپنے دیگر چینلز کی طرح کے ٹو ٹی وی پر رمضان المبارک کے حوالے سے خصوصی نشریات پیش کر رہا ہے۔
ماہِ صیام کے مقدس مہینے میں وہ افراد جو روزگار اور ملازمت کے سلسلے میں بیرونِ ملک مقیم ہیں اور اپنے والدین، اہلِ خانہ اور دوست احباب سے دوری کی کیفیت محسوس کرتے ہیں، ان کے جذبات کو مدنظر رکھتے ہوئے کےٹو ہر اتوار ایک خصوصی لائیو پروگرام رمضان شادمان پردیسیاں دے سنگ نشر کرے گا۔
اس پروگرام کے میزبان معروف اینکر عارف محمود قاضی ہوں گے۔ پروگرام میں ماہِ رمضان کی فضیلت و برکات، روزے کے عظیم ثواب اور دیگر مستند دینی معلومات جید علما کرام قرآن و سنت کی روشنی میں بیان کریں گے۔ یہ خصوصی نشریات ہر اتوار سہ پہر 4 بجے براہِ راست نشر کی جائیں گی۔
