وائٹ ہاؤس کی ترجمان کیرولین لیویٹ نے کہا ہے کہ امریکی صدر ڈونلڈ ٹرمپ عرب ممالک سے ایران کے خلاف ممکنہ جنگ کے اخراجات اٹھانے کے حوالے سے غور کر رہے ہیں۔
پریس بریفنگ کے دوران ایک صحافی کے سوال کے جواب میں ترجمان نے کہا کہ صدر ٹرمپ کے ذہن میں یہ بات موجود ہے کہ عرب ممالک ایران کے خلاف کسی بھی ممکنہ کارروائی کے اخراجات برداشت کریں، جیسا کہ ماضی میں بھی کیا گیا تھا۔
انہوں نے مزید کہا کہ امریکہ کی جانب سے اب تک ایران میں ہزاروں اہداف کو نشانہ بنایا جا چکا ہے، جبکہ امریکی افواج کو وہاں بھیجنے کے امکان کو مکمل طور پر رد نہیں کیا جا سکتا۔ تاہم ان کا کہنا تھا کہ موجودہ صورتحال میں سفارتی حل کو ترجیح دی جا رہی ہے۔
