پاکستان کے فاسٹ باؤلر نسیم شاہ نے سوشل میڈیا پر جاری ہونے والے متنازع ٹویٹ پر معذرت کر لی ہے اور کہا ہے کہ یہ پیغام ان کی سوشل میڈیا ٹیم کی جانب سے جاری کیا گیا تھا جو ان کے ذاتی خیالات کی عکاسی نہیں کرتا۔
سوشل میڈیا پلیٹ فارم ایکس (ٹوئٹر) پر اپنے بیان میں نسیم شاہ نے وضاحت کی کہ مذکورہ ٹویٹ دراصل ان کی ٹیم نے پوسٹ کیا تھا، تاہم اس کی مکمل ذمہ داری وہ خود قبول کرتے ہیں۔
انہوں نے کہا کہ اس واقعے کے بعد انہوں نے اپنے سوشل میڈیا معاملات میں ضروری تبدیلیاں کی ہیں تاکہ آئندہ اس طرح کی صورتحال دوبارہ پیش نہ آئے۔
نسیم شاہ نے مزید کہا کہ سوشل میڈیا کے غلط استعمال کے باعث اگر کسی کی دل آزاری ہوئی ہے تو وہ اس پر دلی معذرت خواہ ہیں۔
